Isniin: july 5, 2021
Cabdulcasiis Xasan Maxamed “Lafta Gareen”, oo ah Madaxweynaha maamul goboleedka Koonfur Galbeed ee Soomaaliya, ayaa u amba baxey dalka Nigeria, isagoo gaarey caasimada Itoobiya ee magaalada Addis Ababa.
Lafta Gareen iyo wafdigiisa, ayaa waxaa ku qaabilay magaalada Addis Ababa safiirka dalka Soomaaliya u fadhiya Itoobiya, Danjire Cabdullaahi Axmed Jaamac.
Cabdulcasiis Lafta Gareen, ayaa waxaa qeyb ka ah safarkiisa qaar katirsan wasiiro iyo hawl wadeenada maamulkaasi.
Faah faahin lagama bixin sababaha uu uggu amba baxey dhanka iyo dalka Nigeria Madaxweynaha maamul goboleedka koonfur galbeed Cabdulcasiis Lafta Gareen.
Safarada ay madaxda maamul goboleedyada Soomaaliya dibadda uggu amba baxaan, si ay xiriir ula sameeyaan dalalka hoos ayey u dhaceen waayadii danbe.
Xigasho: Radio Muqdisho
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________