Khamiis: September 2, 202
Diyaarad laga leeyahay dalka Qadar oo ay saarnaayeen koox farsamo oo ka socda dalka Qadar ayaa ka degtay gegida diyaaradaha ee Kabul, si ay uga caawiyaan dib u bilaabista hawlihii garoonka kadib markii ay waxyeelo soo gaartay intii ay socdeen daadgureyntii Maraykanka iyo NATO.
Imaanshaha Arbacadii ayaa timid iyadoo ay sii kordhayaan walaaca laga qabo dhismaha dowlad cusub ee Afgaanistaan iyo sida Taalibaan oo dalka qabsatay 15 -kii Ogosto, ay u damacsan tahay inay wax uga qabato dhaqaalaha dalka ee liita.
Malaayiin reer Afgaanistaan ah ayay noloshu ku sii adkaanaysaa, iyada oo dhaqaaluhu uu burbursan yahay.
Shaqaalaha dowladda ayaan la siin mushaar muddo bilooyin ah bangiyada ayaan si xoog leh u shaqeynayn maadaama dalka laga jaray kaalmadii maaliyadeed ee caalamiga ah.
In ka badan nus malyuun qof oo reer Afgaanistaan ah ayaa gudaha ku barakacay sababo la xiriira dagaalo lagu hoobtay oo bilo socday oo u dhaxeeyay dagaalyahanada Taliban iyo ciidamada dowladda.
Madaxa Qaramada Midoobay Antonio Guterres ayaa Talaadadii ka digay “masiibo bani’aadamnimo” oo soo fool leh, isagoo intaa ku daray in adeegyada aasaasiga ah ay ay burburayaan gebi ahaanba.
Xoghayaha Difaaca Mareykanka Lloyd Austin ayaa sheegay inuu u safri doono gobolka khaliijka toddobaadka soo socda si uu uga mahadceliyo la -hawlgalayaasha Washington doorka ay ka qaateen hawlgalka daadguraynta.
“Waxaan u safri doonaa Khaliijka toddobaadka soo socda si aan ugu mahadceliyo la -hawlgalayaasheena halkaas oo wax badan ka qabtay badbaadinta iyo daadgureynt dadka reer Afgaanistaan,” ayuu ku yiri hadal kooban oo ka soo baxay Pentagon Arbacadii.
Austin wuxuu amaanay howlgalka daadguraynta, isagoo ku tilmaamay geesinimo iyo mid taariikhi ah.
Warbixinada ka imanaya magaalada Kabul ayaa sheegaya in dadku ay safaf dhaadheer u galayaan bangiyada si ay lacago uga soo baxsadaan.
Dhinaca kale, Kooxda Talibanka ayaa maanta soo bandhigtay daraasiin gawaadhi gaashaaman iyo hub ah oo uu sameeyay Maraykanka.
Sidoo kale bandhiggan oo lagu qabtay magaalada Kandahar ayaa waxaa xitaa lagu soo bandhigay diyaarad helikobtar nooca Black Hawk oo la suray calanka Taliban
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
