Arbaco: October 27, 2021
Xaaladda magaalada Guriceel ayaa saaka deggan, waxaana si buuxda ula wareegay ciidamada dowladda Soomaaliya iyo kuwa maamulka Galmudug, kadib markii ay isaga baxeen ciidamada Ahlu Sunna maalmihii ku sugnaa gudaha magaaladaasi.
Ciidamada dowladda iyo kuwa Galmudug ayaa isla markii howl-gallo lagu xaqiijinayo amniga ka sameeyey gudaha magaalada Guriceel ee gobolka Galgaduud.
Wararka ayaa sheegaya in xaafadaha qaar lagu arkay meydad horleh oo ka mid ah dadkii ku dhintay dagaalladii ka dhacay halkaasi.
Sidoo kale waxaa xaafadaha qaar lagu arkay qabuuro cusub oo lagu aasay meydad kale oo ka mid ah dadkii ku geeriyooday intii ay dagaalladu socdeen.
Ahlu Sunna ayaa wada-hadal uga baxday magaalada kadib dadaallo dheeraad ah ay sameeyeen ganacsato iyo rag siyaasiyiin ah oo ka soo jeeda Galmudug
Si kastaba, xoogaga Ahlu Sunna ay haatan gaareen deegaanka Godwiil oo dhaca dhanka waqooyi degmada Guriceel.
Guriceel waa magaallo ganacsi oo ballaaran, hayeeshee waxaa maalmihii lasoo dhaafay ay u xudun u noqotay xiisadda u dhexeysa Ahlu Sunna iyo Galmudug.
Office Nairobi kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________