Isniin: January 24, 2022
Iyadoo qeybo badan oo ka mid ah Gobolada Soomaaliya ay ka jirto abaar daran oo saameysay Dad iyo Duunyo, ayaa Madaxweynaha Dowlad Goboleedka Hir-shabeelle Cali Cabdulahi Xuseen Guudlaawe Markale Ku Celiyay baaqiisa ku aadan u gurmashada Dadka ay abaaraha ku Saameyen deegaanno ka tirsan Dowlad Gobolkeedkaasi.
Madaxweynaha Hirshabeelle ayaa Sheegay inay Sii kordheyso Abaaraha Dalka ka jiro Gaar ahaan deegaanno ka tiraan maamulkaas, isagoo tilmaamay inay ka Dowlad ahaan Wadaan Dadaalo Xoogan oo Loogu Gurmanyo dadka Abaaraha saameeyeen.
Sidoo kale, Cali Guudlaawe ayaa Ganacsatada iyo Dowladdaba ugu baaqay in leyska Garabsado Caawinta kumanaanka dad ay Abaaraha Saameyen ee ku sugan deegaanno ka tirsan Dowlad Goboleedka Hir-shabeelle,
Madaxweynaha, Waxaa uu sidoo kale, ugu baaqay Haa’yadaha Gargaarka dhankooda iney ka qeyb qaataan u Gurmashada dadka abaartu saameesay ee haatan la dhiban.
Deegaanno iyo degmooyin ka tirsan Gobolada dalka Soomaaliya, waxaa ka jirto abaar si xoogleh saameyn ugu yeelatay dadka iyo xoolihii ay dhaqanayeen, qaarkood ayaa u geeryooday halka kuwa kalena ay la dhiban yihiin oo ay heesato macluul iyo gaajo,inkastoo Dowladda Soomaaliya ay dhawaan gargaar aan badneen ay gaarsiisay degmada Garbahaarey ee Gobolka Gedo.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________