Talaado: April 12, 2022
Madaxweynaha Dowlad Goboleedka Hirshabeelle Cali Guudlaawe Xuseen ayaa ugu hambalyey Ciidanka Xoogga dalka Soomaaliyeed oo u dabaal degaya sanadguuradii 62-aad ee kasoo wareegtay aas aaskii Ciidanka Xoogga Dalka ee 1960-kii.
“Madaxweynaha Dowladda Hirshabeelle Mudane Cali Guudlaawe Xuseen ayaa maalintaan qiimaha badan ugu hambalyeeyay Ciidanka Xoogga Dalka Soomaaliyeed oo u dabaal degaya sanadguuradii 62-aad ee kasoo wareegtay aas aaskii Ciidanka Xoogga Dalka ee 1960-kii.” Ayuu yiri Madaxweyne Cali Guudlaawe.
Madaxwaynaha ayaa Saraakiisha, Saraakiil Xigeenada, Alifleyda, Dablayda iyo Qoysaskooda ugu hambalyeeyay Munaasabadaan Ciidanka Xoogga, isagoo ugu baaqay inay xoojiyaan difaaca dalka iyo hortaga kooxaha Al-shabaab iyo Daacish.
“Madaxwaynaha ayaa Saraakiisha, Saraakiil Xigeenada, Alifleyda, Dablayda iyo Qoysaskooda ugu hambalyeeyay Munaasabadaan waxa uuna la wadaagay inay xoojiyaan difaaca dalka iyo hortaga kooxaha aragixisada ah. ” ayuu hadalkiisa sii raaciyay Madaxweynaha Hirshabeelle.
Ugu dambeyn, wuxuu tilmaamay in ciidanka Xoogga Dalka Soomaaliyeed ay yihiin Astaan Qaran oo u taagan difaaca iyo haybada Qaranimada Dalkeena, isagoo bogaadiyay howlgalada ay kula dagaalamayaan kooxaha Al-shabaab iyo Daacish.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________