Madaxweynaha Dowlad Goboleedka Galmudug, Axmed Cabdi Kaariye iyo wafdi ballaaran oo uu hoggaaminayo ayaa safar dhulka ah ku gaaray degmada Cadaado ee Gobolka Galgaduud.
Madaxweynaha iyo wafdigiisa oo ka tegay Magaalada Dhuusamareeb ayaa maalmo kooban safar shaqo ku joogi doona Cadaado, waxaana degmada Cadaado ku soo dhaweeyay xubno ka tirsan labada gole ee Galmudug, maamulka degmada cadaado, odayaasha dhaqanka, haweenka iyo bulshada qeybaheeda kala duwan.
Madaxweynaha Galmudug oo u mahad celiyay dadkii Magaalada kusoo dhaweeyay ayaa sheegay inay guda geli doonaan dhismaha Golaha degaanka Magaalada Cadaado.
Ammaanka Magaalada Cadaado ayaa aad loo adkeeyay, waxaana Madaxwryne Qoor Qoor uu la kulmi doonaa Maamulka Magaalada, Odayaasha Dhaqanka iyo Saraakiisha Ciidamada.
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________