Talaado: June 7, 2022
Ku dhawaad rubac milyan qof ayaa wajahaya macaluul Soomaaliya ka dib markii ay abaartu ay kasii daraytay iyo qiimaha cunnada adduunka oo gaaray heerkii ugu sarreeyay, sida ay sheegeen hay’adaha Qaramada Midoobay.
Hay’aduhu waxay sheegeen in xilli-roobaadkii afraad oo xiriir ah uu ka baaqday dalka ku yaalla Geeska Afrika ee Somalia, khubarada saadaasha hawadana waxa ay ka digayaan in xilli roobaad kale oo ka hooseeya celceliska sanadkan dabayaaqadiisa suurtgal ay tahay in la waayo xilli cimiladu dunidu ay noqonayso mid sii kululaanaysa Isla mar ahaantaana, qiimaha cuntada adduunku wuxuu ku dhow yahay inuu gaaro heerkii ugu sarreeyay tan iyo bishii Maarso oo dagaalka Ruushka iyo Ukraine uu sababay mirihii kusoo qulquli jiray suuqyada miraha daruuriga ah iyo saliiddaba ay sacirkoodi kor u kaceen.
Ku dhawaad 213,000 oo Soomaali ah ayaa qarka u saaran inay u dhintaan macluul, taasoo ah koror ku dhow saddex laab marka loo eego heerarkii la filayey bishii April, sida lagu sheegay bayaan ka soo baxay Hay’adda Cunnada Adduunka ee WFP, Hay’adda Cunnada iyo Beeraha, Hay’adda Carruurta ee UNICEF iyo Xafiiska Xiriirinta Arrimaha Bani’aadamnimada. .
Waxay sheegeen in ilaa 7.1 milyan oo Soomaali ah ama in ku dhow kala bar dadka ay soo food saartay cunto yari aad u daran, taasoo la micno ah inay si ay u helaan waxay cunaan inay iibiyaan hantida si ay u noolaadaan.
“Nolosha dadka aadka u nugul waxay mar horeba halis ugu jirtay nafaqo-xumo iyo gaajo, ma sugi karno in lagu dhawaaqo macluusha,” waxaa sidaasi yiri El-Khidir Daloum, oo ah agaasimaha WFP ee Soomaaliya,
Office Nairobi kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________