Shirka Aaya Ka Tashiga Gobolada SSC Oo Maanta Ka Furmaya Laascaanood

____________________________________________________________________________

Sabti: Jannaayo 27/2023

Shirweynaha Aaya-ka-tashiga Gobollada Sool, Sanaag iyo Ceyn (SSC) ayaa maanta oo Sabti ah la filayaa inuu si rasmi ah uga furmo magaalada Laascaanood ee xarunta gobolka Sool.

Shirka oo maalmihii la soo dhaafay ay qaban qaabadiisa socotay waxaa diirada lagu saarayaa masiirka magaalada Laascaanood iyo sidii ciidamadda Somaliland ay isaga bixi lahaayeen magaaladan oo shacabka ay u sameysan lahaayeen maamul iyaga u gooniya.

Hoggaanka Isimada Dhaqanka ee ugu sarreeya Beelaha SSC ayaa ku wada sugan halka shirkan lagu qabanayo, iyadoo la filayaa in lagu falanqeeyo sida laga yeelayo mustaqbalka goboladaasi oo sanadihii la soo dhaafay hoostagayay maamulka Somaliland.

Shirkan ayaa ka dhashay kacdoonka ay sameynayeen shacabka magalada oo ka carooday dilalka xargaha goostay ee Laascaanood loogu geysanayo haldoorka magaalada, waxaana magaaladaasi hareeyay dibadbaxyo ka dhan ahaa maamulka Hargeysa.

Dowladda federaalka Soomaaliya ayaa iyadu si taxadar leh ula socota shirkan, waxaana la filayaa iney taageerto war-murtiyeedka lagu wado in shirka laga soo saaro.

Office Nairobi Kenya

_____________________________________________________________________________________