3861 Views

jadwalka doorashada Soomaaliya oo dib u dhacay

jadwalka doorashada Soomaaliya oo dib u dhacay
____________________________________________________________________________

Muqdisho, September 25, 2016: Waxa soo baxay in jadwalka doorashada dib u dhacii ku yimid, ka dib marki bishii hore ay soo bandhigeen Guddiga doorashooyinka dadban ee heer Federaal, kaddib markii Madaxda Madasha Wada-tashiga Qaran ay heshiis ku gaareen fadhigi lagu dhigay Muqdiho.

Doorashada Aqalka sare ee Baarlamaanka oo ka kooban 54 xubnood ayaa ku yimid dib u dhac, iyadoo qorshuhu ahaa manata oo 25-ka bisha September ah in maamul goboleedyada ay soo gudbiyeen taas oo ku beegan maanta.

Arrintaan Guddiga Doorashada ayaa xaqiijiyay inuu dib u dhac ku yimid doorashadii Aqalka sare, iyadoo soo xulista Xildhibaanada Aqalka sare oo ka koobnaa 54 xubnood laga sugayay inay soo xulaan Baarlamaanada maamul goboleedyadyada oo dhan.

Guddigaan doorashada dadban ayaa horay u shaaciyay inay dhici karto in doorashada ay waqtigeeda dib uga dhacdo, maadaama ay jiraan caqabado kala duwan oo weli la isku haysto.

Wararka qaar ayaa sheegaya in dib u dhaca Aqalka sare ay sabab u tahay, in Maamul goboleedyada oo aan wali soo gudbin Xildhibaanadii Aqalka sare u matali lahaa iyo maamulka Hiiraan iyo Shabeellaha Dhexe oo aan wali la dhisin, taasna ay dib u dhac ku keentay 8-dii xubnood ee Aqalka sare ka imaan laheyd maamulkaas.

Waxaa horay u jiray tuhun ku aadan in doorashada ay waqtigeeda dib uga dhici karto arrimo farsamo ahaan, waxaana dad badan ay shaki gelinayaan inay doorashadii horay loogu balamay inay ku dhici weysay waqtigeeda.

La garan maayo dib u dhacan saameynta ay ku yeelan doonto Doorashada Guddoomiyaha Baarlamaanka iyo doorashada Madaxweynaha oo dhici doonta 25 October iyo 30 October, waxaana ifafaalaha muuqda uu yahay in aan wali waxba laga qaban jadwalkii horay ugu heshiiyeen Madaxda Madasha Wada-tashiga Qaran.

Jadwalkii doorashada ee horay loogu heshiiyay ayaa sidan u qornaa:-

Jadwalka Doorashada:

  1. Aqalka sare 25 September
  2. Baarlamaanka 24 September – 10 October
  3. Dhaarinta Xildhibaannada 20 October
  4. Doorashada Guddoonka Baarlamaanka 25 October
  5. Doorashada Madaxweynahan 30 October

——————————

Qaranimo Online | Muqdisho

_____________________________________________________________________________________

Xafiiska Wararka Qaranimo Online | Mogadishu, Somalia

_____________________________________________________________________________________

Advertisement

_____________________________________________________________________________________ _____________________________________________________________________________________ _____________________________________________________________________________________

Share This Post

Post Comment