Muqdisho, October 01, 2018 —Shalay gelinkii dambe waxaa Degmada Yaaqshiid ee Muqdisho lagu dilay Caasho Cabdi Saneey oo ahayd 14 jir dhiganeysay Dugsiga sare ee Al Fajri .
Waxaa dilkeeda geystay Rag watay Mooto Fekon ah oo doonayay in ay ka dhacaan Taleefanka Gacanta ee ay wadatay.
21kii Bishii September waxaa Xarunta Jaamacadda Soomaaliya ee Baar-Ubax lagu dilay Amino Xuseen Xasan, oo Rag hubeysan ay fasalka ugu galeen halkaasna ku toogteen.
18kii September iyadana la dilay Deeqo Daahir Caga-dahab oo Gaariga Dugsiga Hoyga Xamar oo ay la socotay uu Rasaas ku furay Askari ka tirsan Ciidanka Dowladda Soomaaliya.
Dhamaan dilalkaas waxaa ay dhaceen xilli Duhur ah, Deeqo oo ka mid ahayd Ardeyda Hoyga Xamar waxaa la dilay iyada oo ka baxday Iskuulka una socotay Guriga iyada oo saaran Gaariga Iskuulka ee geyn lahaa Gurigeeda,falkaas waxaa loo xiray Askar ka mid ah dowladda oo lagu eedeeyay in ay ka dambeeyeen.
Amina ,waxaa la dilay xilli Duhur ah iyada oo ku jirta Fasalka,waxaana loo xiray Barihii Fasalka xilligaas ku jiray iyo qaar ka mid ah ilaalada Jaamacadda.
Sidoo kale Caasha ayaa la dilay iyada oo ka baxday Dugsiga Al-Fajri,kuna sii socotay Gurigeeda iyada oo dowladda aysan ilaa hadda sheegin cid ay u qabatay.
Xafiiska Wararka Qaranimo Online | Muqdisho
———————————————————————-
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
