Muqdisho | QOL | Diseembar 23, 2018 –Danjire Xamuuda bin Samraan Al-xuweydhi oo ah wakiilka Jaamacadda Carabta u fadhiya Soomaaliya ayaa si kulul u cambaareeyay qaraxyadii shalay ka dhacay magaalada Muqdihso oo ay ku nafwaayeen dad farabadan.
Bayaan uu wakiilka soo saaray ayuu uga tacsiyadeeyay ehelada dadkii ku naaf waayay iyo kuwii ku dhaawacmay qaraxyadaasi intaba, wuxuuna allah ugu baryay inuu uga bishaareeyo kuwii ku shahiiday dhacdadaasi Janadiisa firdowsa, ehaladii ay ka tageena samir iyo iimaan ka siyo, isla markaana kuwii ku dhaawacmayna uu alle caaifimaad deg deg ah siiyo.
Danjire Xamuuda wuxuu sheegay in falalkan noocan ah ee weerarrada argagixisada ee lagu qaado goobaha dadka rayidka ah ku ssugan yihiin ay yihiin kuwa diinta islaamka ka soo ka soo horjeeda,wuxuuna ku booriyay Xukuumadda Soomaaliya inaysan ka niyad jabin weerarada noocan ah oo ay sii waddo hawlgalada ka dhanka ah Al-Shabaab ayna horumariso dhismaha Dowladnimo.
Wuxuu ugu dambeytii daboolka ka qaaday wakiilka Ergada Jaamacadda Carabta u fadhiya Muqdisho inay jaamacadda Carabta ay barbar taagan tahay Xukuumadda iyo Shacabka Soomaaliya sidii ay uga gudbi lahaayeen dhibaatooyinka dalka ka jira.
Xafiiska Wararka Qaranimo Online | Muqdisho
_______________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
