Mogadisho –January 11, 2020—Ciidanka kacaanka Iran ayaa waxay sheegeen in “si aan ula kac ahayn oo kam,a ah ” ay u soo rideen diyaarad rakaab oo laga lahaa Ukraine ka dib markii ay uga shakiyeen duqeymo xilligii Iran ay duqeysay Saldhigyadda Mareykanka ee Ciraaq.
War kasoo baxay dowladda ayaa lagu yiri “khalad uu bina’aadam sameeyay ” ayaa ku dhacay Diyaarradda.
Dowladda waxa ay sheegtay in Dadkii masuulka ka ahaa ayaa lala xisaabtami doonaa.
“Jamhuuriyadda Islaamiga ah ee Iran waxay aad uga qoomamaysaa qaladkan musiibada ah,Fikradayda iyo ducadaydu waxay aadaan dhamaan qoysaska murugaysan” ayuu Madaxweyne Hassan Rouhani ku soo qoray Twitter.
Iran ayaa horey u diiday warar sheegayay in diyaaradda ay soo dhacday ka dib markii uu haleelay gantaal ay Iiraan riday.
Diyaarad nooceedu yahay Boeing-737 oo ay saarnaayeen ku dhawaad 180 qof oo ku burburtay meel aan ka fogeyn caasimadda Iran ee Tehran ayaa waxa la shaaciyey halka ay ka soo jeedaan rakaabkii saarnaa.
- 82 Iran
- 63 Canada
- 11 Ukrain, oo ay ka mid yihiin shaqaalaha diyaaradda.
- 10 Sweden
- 4 Afghanistan
- Saddex u dhalatay German
Xafiiska Wararka Qaranimo Online | Muqdisho
__________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________