Muqdisho | QOL | May 27, 2019–Madaxweynaha Soomaaliya Maxamed C/llaahi Farmaajo ayaa xalay waxa uu kulan la qaatay Jaaliyadda Soomaaliyeed ee ku nool Magaalooyin ka mid ah dalka Koonfur Afrika.
Kulankaan ayaa waxaa ka qeyb galay Jaaliyadda Soomaaliyeed ee ku dhaqan Magaalada Johannesburg, Xubnaha wafdiga ee la socda Madaxweynaha, Safiirka Soomaaliya u jooga Koonfur Afrika Jamaal Maxamed barrow, waxaana uu ahaa mid Madaxweyne Farmaajo ay ku soo dhaweynayeen.
Madaxweyne Farmaajo ayaa Jaaliyadda Soomaaliyeed ee Koonfur Afrika uga mahadceliyay midnimada ay muujiyeen iyo sida ay magaca wanaagsan ugu soo jiideen ummadda Soomaaliyeed.
Dhankooda xubno matalayay Jaaliyadda ayaa Madaxweynaha Soomaaliya ka codsaday in Madaxda dalkaasi uu kala hadlo dhibaatooyinka mar walba ay u geystaan Madaxda dalkaasi Soomaalida Ganacsi ahaan u jooga.
Madaxweynaha Soomaaliya Maxamed Cabdullaahi Farmaajo ayaa soo geba-gabeeyay safarkiisa,isaga oo saacadaha soo socda kusoo wajahan Magalada Muqdisho ee Caasimadda Soomaaliya.
Xafiiska Wararka Qaranimo Online | Muqdisho
_____________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
