Muqdisho | QOL | Juun 23, 2019 –Wararka ka imanaya gobolka Sh/hoose gaar ahaan degmada Janaale ayaa sheegaya in howlgalo ay ka sameeyeen ciidamada sida gaar ah u tababaran ee Danab ay ku soo qabqabteen dad badan.
Howlgalkan oo xalay ay ciidamadu sameeyeen ayaa la sheegay in ay ka soo qabqabteen dad kudhow labaatan ruux beeraha ku yaal agagaarka magaalada Janaale oo ah magaalo caan ku ah waxsoosaarka beeraha.
Ciidamada DANAB ayaa toddobaadyadii la soo dhaafay waxa ay isku balaarinayeen deegaano ka tirsan gobolka Sh/hoose iyadoo ay dowladu wax ka bedeshay qaabkii hore ee ay ciidamadu howlgalada uga sameyn jireen gobolka Sh/hoose.
Deegaano badan oo ka mid ah gobolka SH/hoose ayaa waxaa ku xooggan ururka Alshabaab iyadoo ay fariisimo ku leeyihiin dhul beereedka ku yaal gobolkaas
Xafiiska Wararka Qaranimo Online | Muqdisho
_________________________________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
