February 21, 2021
Wararka ka imanaya Isgoyska Blacksea ayaa sheegaya in goor dhawayd Askari ka tirsan Ciidamada dowladda Soomaaliya uu halkaasi ku dilay darawal Mooto Bajaaj.
Goobjooge ku sugna Goobta uu dilka ka dhacay ayaa sheegay in dilka uu yimid, kadib markii askariga uu ka codsaday wadaha Mooto bajaajta in uu qaado, hayeeshee uu diiday, sidaasina askariga uu dhowr xabadood madaxa uga dhuftay.
Darawalka Mooto Bajaajlaha ahaa ee la dilay ayaa waxaa lagu magacaabi jiray Xaashi Cumar Carabeey, waxaana ehelladiisa ay sheegeen in meydka la geeyay Xarunta Haya’dda dambi barista ee CID.
Ciidamo ka tirsa Booliska Soomaaliya ayaa tegay halka dilka uu ka dhacay, waxana la sheegay in uu ka baxsaday goobta askarigii dilka geestay.
Sidoo kale Dilalka askarta ka tirsan Ciidamada dowladda ay u geysanayaan Darawalada Mooto Bajaajta ayaa inta badan ka dhaca degmooyinka Gobolka Banaadir, in kastoo bilihii la soo dhaafay ay aad u yaraadeen
Xafiiska Wararka Qaranimo Online
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
