February 25, /2/ 2021
Warar dheeraad ah ayaa ka soo baxaya waan-waantii laga dhex-waday Ra’iisul wasaaraha Soomaaliya Maxamed Xuseen Rooble iyo golaha midowga musharaxiinta mucaaradka oo la sheegay in xalay is-faham hor udhac ah laga gaaray.
Wararka ayaa sheegaya in lagu wado saacadaha soo socda in dhinacyada ay ku heshiiyeen Qodobo ayna goor dhaw kulan ay ku yeeshaan Hotelka Decale ee ku yaalla nawaaxiga garoonka diyaaradaha Aadan Cadde ee Magaalada Muqdisho.
Wararka ayaa sheegaya in kulanka maanta dhacaya ay ka qeyb gali doonaan R/Wasaare Rooble, Midowga Musharaxiinta, , iyo Madaxweyneyaasha Maamulada Hirshabelle iyo Galmudug.
Qodobadan ay Midowga musharaxiintu mucaaradka ah ku xireen la kulanka madaxda ayaa waxaa ka mid ah:-
1- In la cambaareeyo, raalli gelin laga bixiyo wixii dhacay 19 Febraayo.
2- In bannaan baxa la ogolaado.
3- In shirarka wadatashiga qaran laga qeyb geliyo Murashaxiinta
Sidoo kale Dadaaladan ka socda magaalada Muqdisho ayaa u muuqata mid lagu dejinayo xiisada siyaasadeed ee ka taagan magaalada, maadaama shacabka Soomaaliyeed ay walaac xoogan ka muujiyeen in gacan ka hadal uu dhex mari karo dhinacyada isku hayo siyaasada Soomaaliya.
Xafiiska Wararka Qaranimo Online
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
