Khamiis: July 15 2021
Somaliya iyo Kenya ayaa mar kale bilo kadib waxaa u bilaawday is faham diblomaasiyadeed kadib bilo oo uu xumaa xiriirka diblomaasiyadeed ee labada dal.
Soomaaliya ayaa dhammaadkii 2020 xiriirka diblomaasi u jartay Kenya, ayada oo ku eedeysay inay faro-gelin ku hayso arrimaha gudaha, islamarkaana ay dhaawaceyso madax-banaanida dalka.
Shalay waxaa safaarada somaliya ee Kenya booqday Xoghayaha joogtada ah ee wasaaradda arrimaha dibedda Kenya Ambassador Macharia Kamau waxa uuna la kulmay safiirka Soomaaliya ee Kenya Maxamuud Axmed Nuur Tarsan, oo ay ka wada hadleen xiriirka labada dal.
Sidoo kale Kulankan ayaa ahaa mid ay albaabada u xiran yihiin, waxayna labada dhinac ka wada hadleen wada-shaqeyn labada dal, si loo xoojiyo xiriirka burburay.
“Ambassador Macharia Kamau wuxuu wada-hadallo la yeeshay safiirka Soomaaliya ee Kenya Mohamud Ahmed Nur, waxayna sahmiyeen dhinacyo cusub oo ay labada dal iska kaashaan karaan, sida dhaqanka, ganacsiga, nabadda iyo amnga. Labada dhinac waxaa ka go’an xoojinta xiriirka,” waxaa sidaas barta twitter-ka ku qortay wasaaradda arrimaha dibedda Kenya.
Sidoo kale afhayeen u hadlay dowladda Kenya Cyrus Oguna ayaa sheegay in Nairobi ay dhistay guddi baara arrimaha sababaya khilaafka labada dal.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________