Wafdi ka socda Q.midoobay oo gaaray Magaalada Dhuusamareeb

____________________________________________________________________________

Khamiis: August 5, 2021

Wararka ka imaanaya Magaalada Dhuusamareeb ee caasimadda Galmudug ayaa sheegaya in goor dhawayd halkaas ay gaareen wafdi sare oo ka socda Qaramada Midoobay oo ay hoggaamineyso Marwo Anita Kiki Gbeho oo ah ku xigeenka ergeyga gaarka ah ee Qaramada Midoobay.

Wafdigan ayaa waxa garoonka Dhuusamareeb ee Ugaas Nuur ku soo dhoweeyey mas’uuliyiin ka tirsan dowlad goboleedka Soomaaliyeed ee Galmudug.

Ujeedka wafdigan ee ay Qaramada Midoobay u dirtay Dhuusamareeb ayaa qiimeyn waxa ay ku sameyn doonaan xaaladaha guud ee ka jira deegaanada maamulka Galmudug.

Sidoo kale Anita Kiki Gbeho iyo xubnaha la socda ayaa kulamo la qaadan doono hoggaanka Galmudug, iyaga oo kala hadli doono arrimaha doorashada iyo horumarinta maamulkaas.

Office Nairobi Kenya

_____________________________________________________________________________________