Dagaallo ka dhacay Yeman oo lagu dilay 60 ka mid ah Xuutiyiinta

____________________________________________________________________________

Arbaco: September 8, 2021

Dagaallo ayaa ka soo cusboonaaday maanta oo Arbaco ah, qeybao kamid ah Marib, ee waqooyiga dalkaasi Yeman, kaasi oo u dhexeeya ciidamada Yeman iyo maleeshiyada Xuutiyiinta.

Sida ay sheegayaan Ilo wareedyo soo xiganaya milateri Yaman, dagaaladan ayaa 24-kii saac ee la soo dhaafay si xariir ah ugu socday waqooyiga Yeman, kuwaa oo duqeymo cirka ah oo lala beegsaday Xuutiyiinta looga dilay 60 ka mid ah maleeshiyaadkood.

Dagaaladan ayaa yimid ka dib markii maleeshiyadka Xuutiyiinta labadii maalmood ee la soo dhaafay ay hareereyeen Marib.

Maleeshiyaadkan ayaa bilahii la soo dhaafay waday weerarro is daba jog ah oo ay ku soo qaadayeen gobolkan saliid hodan ku ah.

Office Nairobi Kenya

_____________________________________________________________________________________