Talaado: December 14, 2021
Shirkadda ammaanka badda ee Dryad Global ayaa ku dhawaaqday in burcadbadeedda ay afduubteen markab Konteenaro siday oo marayay meel u dhow xeebaha Equatorial Guinea.
Shilkan ayaa ka dhacay biyaha gacanka Guinea oo koonfur bari ka xiga dekedda Lobo ee dalka Equatorial Guinea.
Shirkadda ayaa tilmaantay in burcad-badeedda ay xireen 6-shaqaale ah oo markabka la socday, sida ay sheegayaan xogta hordhaca ah.
Mareegta ay shirkaddu leedahay ayaa intaa ku dartay in tani ay tahay dhacdadii tobnaad ee nooceeda ah ee sanadkan 2021-ka, taas oo lagu qafaashay 76 badmaax ah.
Gacanka Guinea ayaa ah mid ka mid ah meelaha ugu khatarta badan ee marin badeedka.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________