isniin: April 25, 2022
Madaxweynaha Ukraine Volodymyr Zelensky, ayaa uga mahadceliyey Mareykanka taageerada “aan horay loo arag” ee Ukraine, Sida laga soo xigtay madaxtooyada Ukraine, wuxuu hadalkan ka sheegay kulan uu la yeeshay xoghayaha arrimaha dibadda ee Maraykanka Antony Blinken iyo xoghayaha difaaca ee Maraykanka Lloyd Austin, oo booqasho ku yimid Ukraine.
Zelensky wuxuu yiri: “Waan ka mahadcelineynaa kaalmada aan horay loo arag ee Mareykanka uu u fidiyay Ukraine.
Waxaan jeclaan lahaa inaan u mahadceliyo Madaxweyne Biden shaqsi ahaan, hoggaankiisa ku aaddan taageerada Ukraine iyo mowqifkiisa gaarka ah.
“Waxaan u mahadcelinayaa dhammaan shacabka Mareykanka, iyo sidoo kale Congress-ka taageeradooda labada aqal iyo labada xisbi, waanu aragnaa, waanu dareemaynaa.” Ayuu yiri.
Dhinacyada ayaa sidoo kale ka wada hadlay caawinaad dheeri ah oo dhanka difaaca ah, xoojinta cunaqabateynta saaran Ruushka, taageerada dhaqaale ee Ukraine iyo dammaanad qaadka amniga.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
