ShacabkaSabti: April 30, 2022
Xarunta Villa Hargeysa ee magaalada Muqdisho ayaa la sheegaya in maanta buuq xoogan uu hareeyey ka dib kulan ay halkaas ku leeyihiin xildhibaanada cusub ee Golaha Shacabka ee Baarlamaanka Federalka Soomalaya.
Buuqa ayaa bilowday, kadib markii ay hoolka gudaha u galeen xildhibaanadii lagu soo kala doortay magaalooyinka Ceelwaaq iyo Garbahaarey ee gobolka Gedo oo kala ah deegaan doorashada koobaad iyo deegaan doorashada labaad ee Jubbaland.
Qaar ka mid ah xildhibaanada oo la hadlay Wariyeyaasha ayaa si adag uga hadlay arrintan, waxayna sheegeen in lasoo xareeyey xubno aan wadan kaararka aqoonsiga.
“Dad aan sharci aheyn oo aan heysanin kaarka aqoonsiga ayaa gudaha la soo geliyay waaana qaskii baarlamaanka laga waday 5 santiii sano ee la soo dhaafay,” ayey tiri mid ka mid ah gabdhaha xildhibaanada oo la yirahdo Faadumo Faarax Aadan deegaan doorashada labaad ee Ceel-Waaq.
Dhanka kale qaar ka mid ah xildhibaanada kale ee laga soo doortay Garbahaarreey ayaa iyanaga warbaahinta maxalliga ah u sheegay inay si sharci ah ku ku soo galeen baarlamaanka hase yeeshee weli ma cadda sida ay arrintan ku dhamaan doonto.
Office Nairobi kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
