Machadka Heritage oo soo bandhigay caqabadaha ugu weyn ee haysta dastuurka dalka – CILMI BAARIS.

____________________________________________________________________________

Talaado: AUGUST 23, 2022

Machadka cilmibaarista ee Heritage ayaa soo saarey daraasad ka kooban 30 bog oo si wanaagsan uga hadleysa daastuurka kumeelgaarka ah ee Soomaaliya oo dib-u-eegistiisi qaadatey muddo aad u dheer, iyada oo laba guddi isaga danbeeyeen, kuwaas oo soo jeedino iskhilaafsan soo saarey, haatana la sugaayo guddigii saddexaad ee dib-u-eegista in la dhiso.

Diraasadda ayaa soo bandhigtey sida labada guddi ee midna la dhisey baarlamaankii 9aad, midka kalena la dhisey Baarlamaankii 10aad ay ugu kala aragti duwan yihiin dib u eegsita ay sameeyeen iyo soo jeedintooda.

Cilmi baarista ayaa lagu ogaadey caqabadaha ugu weyn ee dastuurka Soomaaliya u noqon waayey taabo-gal in ay tahay afduubka siyaasiyiin kooban ku hayaan, bulshada oo aan fahamsaneyn muhimadda dastuurkan u lee yahay oo doorkoodi maqan yahay, sidoo kale markii dastuurka la samaynaayey waxaa awooddii oo dhan maroorsadey 6 nin iyo ergaygii qaramada midoobey ee xiligaas Augustino Mahiga.

Cilmibaaristu waxa ay heshay in siyaasiyiin koobani inta badan afduubaan hannaanka dajinta iyo dibu-eegista dastuurka, taas oo keentay: siyaasad aan loo dhammayn, maqnaanta kaqaybgalka bulshada, daahfurnaan la’aanta iyo qiimayn la’aanta khibradaha maxalliga ah.

HERITAGE INSTITUTE

Diraasaddan cusub ayaa si faahfaahsan u qaadaa-dhigaysa, qoraalada is diidan ee ka soo baxay labada guddi ee 2016 iyo 2020, iyo sida ay isu khilaafsan yihiin dasuurada dowlad goboleedyada iyo kan federaalka.

Sida cilmi-baarista lagu ogaadey labada guddi ee la-socodka dib-u-eegista dasuurka (2016 iyo 2020) waxa ay go’aanno, iyo talooyin kala duwan ka soo saareen arrimaha dastuurka ee lagu muransanyahay. Guddida la-socodka koowaad ee baarlamaanka 9-aad ayaa soo saartay sagaal qodob oo la isku mari la yahay, kuwaas oo todoba ka mid ah la isku sii maandhaafay:

Awood qaybsiga DFS iyo dowlad-goboodyada,
Qaybsiga khayraadka dalka,
Awoodaha madaxweynaha
Awoodaha raysalwasaaraha,
Doorka Aqalka Sare ee baarlamaanka,
Maqaamka caasimadda,
Dhalashada iyo qaabaynta garsoorka.

Sida lagu sheegay cilmi-baarista guddida labaad ee la-socodka labada gole ayaa kordhiyey qodobbadii la isku hayey, iyaga oo ku daray shan qodob oo kale, sidaas darteed waxa laga dhigay 14 qodob.

Diraasadda machadka Heritage soo dejiso

Office Nairobi Kenya

_____________________________________________________________________________________