Muqdisho, 10 November 2015: Xafiiska Xeer ilaaliyaha Guud ee Soomaaliya ayaa lagu sheegay in u amar ku bixiyay in la xannibo illaa 35 website, kuwaas oo uu sheegay in ay baaris ku socoto ka dib markii ay heleen cabashooyin kala duwan oo soo gaaray Xafiiska Xeer ilaaliyaha Guud.
Wasaarada Boostada iyo Isgaarsiinta ayaa amar lagu siiyay in ay xannibaan Website-yadaas inta la hubinayo sugnaanshaha cabashooyinka soo gaartay xafiiska Xeer ilaaliyaha. Qoraalkan oo uu soo saaray Xeer ilaaliye ku Xigeenka Soomaaliya, Maxamuud Cabdi Xaaji Aadan oo lagu socodsiiyey Wasaaradda Boostada iyo Isgaarsiinta Soomaaliya ayaa lagu sheegay in cabashooyinka loo haysto website-yadaas ay isugu jiraan kuwo la xidhiidha dhinaca anshaxa iyo faafinta dacaayado kala duwan oo ay ku ijaafaynayeen dad magac iyo maamuus ku leh Wadanka gudahiisa iyo dibada intaba.
.
———————————————–
Ali Omar Ghedi | Qaranimo Online | Muqdisho
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________