1116 Views

“Hadii Burcad badeed la waayay, Burcad kalluun ayaa yimid, kalluunkeenana xadaya”

“Hadii Burcad badeed la waayay, Burcad kalluun ayaa yimid, kalluunkeenana xadaya”

Muqdisho, April 29, 2016Admiral Faarax Axmed Cumar (Faarax Qarre)  Taliyihii hore ee Ciidamada Badda ee Soomaaliya oo hada ah Agaasimaha Hey’adda Cilmi baarista Badaha ayaa sheegay in dowlado fara badan ay si sharci darro ah ay badda Soomaaliya uga kaluumeysanayaan.

Admiralka, ayaa sheegay in Caalamka uusan dooneyn in la dhiso Ciidamada Badda Soomaaliya, si ay uga hortagaan kaluumeysiga sharci darada, isla markaana u sugaan amniga Xeebaha.

“Caalamka ayaa ogoleyn inaan dhisno ciidamadeena badda, sidaa la socotaan wali cunaqabateynta hubka ayaa na saaran, hub ma soo gadan karno, maraakiib ma soo gadan karno, dad aqoonteeda leh inay markab wadaan ama diyaarad wadi kara wali ma heyno”ayuu yiri Faarax Qarre,

Admiral Farax Qare ayaa sheegay in sida Caalamka ugu soo gurmaday la dagaalanka burcad badeedka, loo baahan yahay in loogu soo gurmado ka hortaga kaluumeysiga sharci darada ah.

“Dowlado fara badan ayaa baddeena ku jira oo kaluunkeena xadaya, maanta hadii burcad badeedka la waayay, burcad kaluuna na haaya, kuwaas ayaa in wax laga qabto loo baahan yahay”ayuu yiri Admiral Faarax Qarre.

Waxuu kale uu sheegay in hadii Ciidamada Badda la xoojin lahaa, qalabka loogu deeqi lahaa ay yaraan laheyd kaluumeysiga sharci darada, isla markaana markabkii aan wadan wax shati ah gacanta lagu soo dhigi lahaa.

Hey’ad ka faaloota kaluumeysiga nabdoon ayaa warbixin ay dhowaan soo saartay ku sheegtay in kaluumeysiga sharci darada ee ka socda Badda Soomaaliya sanadkii laga sameeyo boqol milyan oo dollar, iyadoo ka digtay in kaluumeysiga sharci darada inay dib u soo celiyaan falalkii burcad badeeda oo hadda xasilay.

——————————

Qaranimo Online | Muqdisho

Share This Post

Post Comment