Muqdisho | QOL | May 2018 – Guddoomiyaha cusub ee baarlamaanka Soomaaliya Maxamed Mursal Sheikh Cabdiraxmaan ayaa maanta shir guddoomiyay Kulankiisii ugu horeeyay tan iyo markii la doortay dhamaadka bishii hore.
Baarlamaanka Soomaaliya ayaa marka laga yimaado ajandahooda caadiga ahaa kadib waxay ka hadleen dhibaatada shacabka Soomaaliyeed ku heysata deegaanada Hirshabeelle iyo Jubbaland.
Xildhibaanada baarlamaanka Soomaaliya ayaa ku dhawaaqay gurmad dhaqaale oo ay ugu talo galeen dadka dhibaateysan.
Inka badan 130,000 doolar ayay shaaciyeen inay ugu deeqeen dadka guud ahaa fatahaada ay saameeyeen, waxaana la doonayaa in dadka dhibaateysan la gaarsiiyo.
Maalintii shalay ayay aheyd xildhibaanada aqalka sare ee baarlamaanka ayaa ku dhawaaqay in 50,000 doolar u qorsheeyeen dadka fatahaadaha ay saameeyeen.
Xafiiska Wararka Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________