Mogadishu | QOL | November 23, 2018–Wararka naga soo gaaraya Magaalada Kismaayo ee Xarunta KMG ah ee Jubbaland waxa ay sheegayaan in Gabadh da’adeeda 15-Sano jir, laguna Magacaabo Naciimo bashiir ay Ayeydeed ku sumeysay degaanka Goobweyn oo ku yaalla duleedka Magaalada Kismaayo.
Ayeeyda la sumeeyay ayaa lagu Magacaabi jiray Dahabo Maxamed, waxana sunta loogu daray Raashinkii Cashada.
Guddoomiyaha degaanka goobweyn Cumar Cabdullaahi Maxamed ayaa warbaahinta u xaqiijiyay dhacdadaan xanuunka badan ee ka dhacday degaankaasi.
Sunta ayaa Gabadha xalay kasoo iibisay Goob Ganacsi oo ku taalla deegaanka Goobweyn ee Gobolka Jubabda Hoose,waxaana sida la sheegay ay suntan aheyd mida loo Isticmaallo beeraha ee lagu dilo Cayayaanka.
Dhacdooyinka Nuucaan ayaa ah kuwo Dhif iyo Naadir ah oo ka dhaca Soomaaliya, waxaana la dhowrayaa Baarista Ciidamada Dambi baarista Jubbaland ay kasoo saaraan Kiiskaan.
Xafiiska Wararka Qaranimo Online | Muqdisho
__________________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________