Muqdisho | QOL | November 27, 2018 – Kulankan uu Wasiirka Beeraha iyo Waraabka Xukuumadda Soomaaliya Mudane Saciid Xuseen Ciid uu xafiiskiisa kulan kula qaatay Safiirka Dalka Qadar u fadhiya Soomaaliya Xasan Xamza Asad ayey kaga wada hadleen qodobo dhowr ah oo ay Ka mid ahaayeen Xoojinta xiriirka labada dhinac , dar dargelinta Heshiisyadii dhexmaray labada doowladood iyo in dalka Qatar loo Dhoofiyo dalagyada kasoo baxa dalka.
Safiirka dowladda Qadar ee Soomaaliya Xasan Hamza Asad ayaa tilmaamay in dowladda Qadar ay soo dhoweynayso in la dardar geliyo xiriirka labada dhinac Waxuuna Wasiirka soo gaarsiiyay Fariin uga timid dhigiisa dalka Qadar.
Wasiirka Wasaaradda Beeraha iyo Waraabka Soomaaliya mudane Saciid Xuseen Ciid oo kulanka kadib warbaahinta qaranka la hadlay ayaa faah faahiyey qodobadii ugu muhiimsanaa oo ay ka wada hadleen.
Ugu dambeyn Wasiirka Beeraha mudane Saciid Xuseen Ciid ayaa Safiirka dalka Qadar u fadhiya Soomaaliya u hadiyadeeyay qaar kamida dalagyada wax soo saar ee dalka, Iyadoo kulanka labada dhinacna uu kusoo dhamaaday is afgarad.
.
.
.
Xafiiska Wararka Qaranimo Online | Muqdisho
____________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
