Muqdisho | QOL | Diseembar 22, 2018 –Maxkamadda Ciidamada ayaa min shan Sano oo Xabsi ah ku ridday Bashiir Muxiyaddiin Jiinow oo ah Askari ka mid ah ciidamada Dowladda Soomaaliya iyo Xasan Maxamuud Guure oo qof rayid ahaa.
Labada qof ayaa lagu eedeeyay in ay inta badan dhac u geysan jireen dadka rayidka ah gaar ahaanna Ardeyda gaar ahaanna kuwa degmada Hodan ee Magaalada Muqdisho.
5tii November ayaa laga qabtay xaafadda Seybiyaano ee Degmada Hodon,waxaana kaddib lagu wareejiyay hay’adda Dmabi baarista Soomaaliya.
Xafiiska Xeer ilaalinta ayaa horkeenay maxkamadda sedax kamid ah ardaydii dhaca loo gaystay oo Maxkamadda ka hor cadeeyay in xilliga kala duwan ay dhac u geysteen Dable Bashiir Muxudiin Jiinow iyo Xasan Maxamuud guure, qorigii dhac lagu geystay, mootadii ay wateen labada eedeysane.
Baarihii kiiskan ayaa Maxkmadda u sheegay in ay ciidamada amniga iyo saldhiga degmada Hodan lasoo gaarsiiyay cabashada labada eedeysane, waxa ayna xilli hore oo waabarigii ah ay ciidamada amnigu qabteen labada eedaysane 5-tii bishii tagtay iyagoo qorsheynaya dhac kale .
Maxkamadda ayaa ugu dambeyn go’aan ka gaartay, waxa ay ku wada xukuntay min shan sano oo xabsi ciidan ah iyo sidoo kale in ay bixiyaan teleefanno shan ah oo ay ka qaateen ardayda oo Maxkamada la hor keenay, sida uu u sheegay warbaahinta Gaashaanle Sare Xasan Cali Nuur Shuute guddoomiyaha Maxkamadda Darajada koowaad ee Ciidamada Qalabka Sida.
Xukunsanayaasha ayaa heysta fursad kale oo ay ku dalban karaan Rafcaan hadii aysan ku qancin xukunka Maxkamadda Darajada Koowaad.
Xafiiska Wararka Qaranimo Online | Muqdisho
_______________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
