Muqdisho | QOL | January 08, 2019 —Taliska Ciiddanka Maraykanka ka jooga Qaaradda Afrika ee AFRICOM waxay sheegeen inay duqeyn Diyaaradeed ku dileen 6 ka tirsan Xarakadda Alshabaab, waa sida ay hadalka u dhigeen.
Weerarkaasi oo ah kii 2-aad ee ay Maraykanka ka fuliyaan gudaha Somalia Sanadkan Cusub ee 2019 ayaa waxay sheegeen inuu ku dhacay Deegaanka Dheerow Sanle oo ka tirsan Gobalka Sh/hoose, kuna bur buriyeen gaari Tekniko ah, waa sida ay AFRICOM sheegatay.
Agaasimaha Hawlgalladda ee Taliska AFRICOM, Jeneral Gareeg Olson ayaa sheegay inay ka go’an tahay inay si buuxda u taageeraan DFS iyo Ciiddankeeda iyo Saaxiibadda kale ee dagaalka kula jira Al-Shabaab.
Waxa uu intaasi ku daray inay Maraykanka iyo DFS iska kaashadaan Hawlgallada duqeymaha ee ay Maraykanka ka fuliyaan gudaha Somalia.
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
