Muqdisho | QOL | December 30, 2020 –Magaalada Garoowe ee Caasimadda Dowlad goboleedka Puntland waxaa saacadihii la soo dhaafay ka dhacay kulamo gooni gooni ah oo ay wada qadanayeen madaxda isugu jirta Muxaafid iyo mucaarad oo halkaasi ku wada sugan
Gudoomiyaha Baarlamaanka JFS Mudane Maxamed Mursal Sheekh aya la kulmay Madaxweynaha Maamulka Jubbaland axmed Maxamed Islaam, iyaga oo kulankooda diirada lagu saaray marxalada uu dalku marayo iyo sidii si wadajir ah looga saari lahaa loona gaarsiin lahaa jawi xasiloon.
Sidoo kale waxaa kulan ku yeeshay Garoowe Ra’iisul Wasaare ku xigeenka dalka Mahdi Maxamed Guuleed iyo musharax Madaxweyne Daahir Maxamuud Geelle, iyaga oo iska xog-wareystay Xaaladda guud ee dalka iyo xilliga kala guurka.
Sidoo kale mas’uuliyinta ku kulmay Magaalada Garoowe ayaa waxaa kamid ah guddoomiyaha Golaha Aqalka Sare Cabdi Xaashi Cabdillaahi & Madaxweynaha Puntland Saciid Cabdullaahi deni.
Dhamaan Madaxda isugu jirta Muxaafid iyo Mucaarad ee ku sugan magalada garoowe ayaa halkaasi waxaa ay u tageen ka qeyb-galka shirka Madasha Aragti Wadaaga Machadka Hiratage, waxaana kulamadooda ay inta badan uga hadleen Arrimaha doorashooyinka dalka.
Xafiiska Wararka Qaranimo Online |
______________________________________________________________SAWIRO:- Kulamo gooni gooni ah oo ka dhacay Magaalada Garoowe
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
