Feb 17/2/2021
Ciidamada Maraykanka ayaa ku qabtay labo doon oo ay saarnaayeen hub faro badan kuwaasoo aan la ogeyn halka lagu waday.
Markab Dagaal oo laga leeyahay Dalka Mareykanka oo lagu magacaabo USS Winston S. Churchill ayaa gacanta ku dhigay labadan doon aan weli la shaacin dalka laga leeyahay.
Qoraal ka soo baxay Saraakiisha Markabka USS Winston S. Churchill ayaa lagu xusay in doonyahan ay sideen hub kala duwan oo ku wajahnaa Dalka Soomaaliya iyo dadkii watay.
Bayaanka laguma xusin halka ay ka soo shiraacdeen doonyahan iyo cidda ay u sideen hubkii lagu qabtay xeebaha Soomaaliya.
Hubka ayaa isugu jiray RPG, BKM iyo AK- 47, iyadoo aan la shaacin goobta lagu qabtay hubkaas,hase yeeshee wararka qaar ayaa sheegaya in hubkan loo waday dalka Yemen.
Dowladda Federaalka Soomaaliya ayaa sidoo kale weli ka hadlin wararka sheegaya in Ciidanka Mareykanka ee jooga xeebaha dalka ay qabteen hub farabadan oo sharci darro ah.
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
