5- Marso, 2021
Warar kala duwan ayaa ka soo baxaya qarax caawa fiidkii ka dhacay magaalada Muqdisho, waxaana la sheegay in uu ahaa qaraxii ugu qasaaraha badnaa ee Bilooyinkan ka dhaca Magaalada Muqdisho.
Ku dhawaad 25 qof ayaa ku dhimatay in ka badan 40 kalena way ku dhaawacmeen qaraxa, sida laga soo xigtay adeegga ambalaasyada ee Aamiin Ambulance.
Wararka ayaa sheegaya in Qaraxan loo adeegsaday gaari noociisa lagu sheegay NOAH oo laga soo buuxiyey waxyaabaha qarxa, kaas oo la dhigay afaafka hore ee maqaayadda Luul-Yemeni oo aan ka fogeyn dekedda weyn ee Muqdisho iyo halka laga ilaaliyo Xabsiga Dhexe ee Xamar.
https://assets.bilsyndication.com/ads/responsive/m3.html Dhinaca kale waxaa soo dumay guri u dhawaa maqaayadda la qarxiyey ee Luulyemeni, kaas oo loo maleynayo in burburkiisa uu dad kale ku hoos jiro, waxaana socda gurmad loo fidinayo dadka.
Kala soco Bogan Wixii ku soo kordha arintaas
Xafiiska Wararka Qaranimo Online
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________