Weriye caan ahaa, Hooyadiis iyo Walaashiis oo mar kaliya ku geeriyooday shil ka dhacay Nugaal

____________________________________________________________________________

April 17, 2021

Weriye Nuur Jaamac Aadan oo ahaa samafale si weyn looga yaqiinay deegaanada Puntland iyo labo qof oo qoyskiisa ah ayaa ku geeriyooday shil gaari oo ka dhacay inta uu dhaxaysa magaalooyinka Garowe iyo Dangoroyo ee gobolka Nugaal.

Weriye Nuur Jaamac waxaa la geeriyooday hooyadiis iyo walaashiis, kadib markii ay isku dhaceen labo gaari oo mid kuwa xamuulka qaada ahaa, halka kan kale uu ahaa gaadiidka yaryar ee raaxada, waxuuna shilkaasi ka dhacay tuulada Libaaxo ee gobolka Nugaal.

Meydka seddaxda marxuum ayaa la geeyey isbitaalka guud ee magaalada Garowe, maanta ayaana la aasayaa sida ay noo xaqiijiyeen qaar ka mid ah ehellada dadkaan.