May 15 2021
Wararka ka imaanaya magaalada Kismaayo ayaa sheegaya in Madaxweynaha Dowlad goboleedka Jubaland Mudane Axmed Maxamed Islaam uu Kulan la qaatay Taliyaha howlgalka Maraykanka ee Africom Janan Stephen Townsend, oo booqasho ku tegay Jubaland.
Kulanka oo ahaa mid waqti qaatay ayaa la sheegay in lagaga hadlay sidii la iskaga kaashan lahaa la dagaalanka Argagixisada iyo sidii maraykanku uu door muuqda uga qaadan lahaa in la wiiqo Argagixisada halista ku ah shacabka Soomaaliyeed.
Sidoo kale kulankaan ayaa ku soo dhaamaday is afgarad sida ay saxaafada u sheegeen Madaxda Jubaland oo Kismaayo saxaafada kula hadlay.
Mudo 3 bil ka yar ayay ahayd markii kulan Nuucaan ah ay Kismaayo ku yeesheen axmed Madoobe iyo Taliyaha howlgalka Maraykanka ee Africom Janan Stephen Townsend.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________