June 13 2021
Baarlamaanka dalka Israa’iil, ayaa lagu wadaa in gelinka danbe ee maanta ay u codeeyaan xukuumad wadaag ah oo cusub oo u muuqata inay soo afjarayso ololihii Benjamin Netanyahu ee uu mar kale ku doonayay ra’iisul wasaaraha dalkaas. Haddii baarlamaanku u codeeyo ansixinta golaha wasiirrada, si toos ah ayaa loo dhaarin doonaa.
Isbaheysigan ayaa waxaa isku keenay siyaasiga Yair Lapid, iyadoo ay qeyb ka yihiin xisbiyada, bidix, midig iyo weliba sidoo kale xisbiga dhexe.
Sida uu dhigayo heshiiska awood qeybsiga, wasiirkii hore ee difaaca dalkaas Naftali Bennett, oo ka tirsan xisbiga Yamina, ayaa labo sano noqon doona ra’iisul wasaaraha Israa’iil, kahor inta uu xukunka ku wareejin Mr Lapid.
Mr Netanyahu, ayaa sawir isaga oo uu ka soo hor muuqdo calanka Israa’iil oo uu soo dhigay bartiisa twitter-ka waxa uu ku soo qoray, waad mahadsan tahay, waana ku jeclahay.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________