Sabti: July 10- 2021
Ku dhawaad 7 qof ayaa ku dhimatay Qaraxii saakay aroor hore ka dhacay afaafka hore ee isgoyska Banaadir ee magaalada Muqdisho oo lala eegtay Taliyaha ciidmada booliska gobolka Banaadir Farxaan Maxamed Aadan oo loo yaqaan “Farxaan Qaroole” oo isagu ka badbaaday qaraxaas sida uu sheegay talsika booliska Soomaaliya.
Gaariga qaraxay ayaa lagu weeraray kolonyo uu la socday taliye Qaroole oo marayay meel u dhow isgoyska Banaadir ee magaalada Muqdisho.
Laamaha amaanka ee dowladda Soomaaliya ayaa goobta qaraxu ka dhacay gaaray iyo kuwa caafimaadka oo iyagana goobta ka qaaday dadkii uu dhaawaca kasoo gaaray qaraxaas.
Sidoo kale Magaallada Muqdisho ayaa meesha ugu badan ay ka dhacaan qaraxyada ismiidaaminta ah iyo kuwa loo adeegsado gawaarida, waxaana Qaraxii saakay ku dhaawacmay ku dhawaad 16 qof oo kale qaarkood soo gaareen dhaawacyo Halis ah.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________