isniin: September 6, 2021
Mashruuc lagu gudayo hal milyan iyo bar oo reer Koonfur Sudan ah, gaar ahaan ragga ay dadoodu u dhaxeyso 15 illaa iyo 49 sano jir, ayaa laga bilaabay dalkaasi, si hoos looggu dhigo faafidda cudurka HIV/AIDS.
Cilmi baaris la sameeyey ayaa muujineysa in ragga gudan ay ka halis yar yihiin qaadista cudurka HIV/AIDS, marka la barbar dhigo kuwo aan gudneyn, marka ay galmo sameynayaan.
Hey’ad aan dawli aheyn, taasoo ay shaqo bah wadaag ku yihiin wasaaradda caafimaadka Koonfurta Sudan, ayaa dooneyso dad si tabaruc ah ula shaqeeya shanta sano ee soo socota.
Hab dhaqanka gudniinta ayaa waxaa laga isticmaalaa saddex qof, marka la eego tobanka gobol ee dalkani, iyadoo intooda badan uu ka yahay mamnuuc gudniinku.
Dowladda ayaa ku qeexday heerka gudniinka hooseeya, halis weyn oo dadweyne, marka ay timaado in lala tacaallo cudurka HIV/AIDS.
Ku dhawaad boqol rag ah ayaa la gudey dabayaaqadii toddobaadkii hore.
Sida ay sheegtay hey’adda u qaabilsan Qaramada Midoobay AIDS-ka, isku cel celis 2.3% dadka ay dadoodu tahay 15-49 ee reer Koonfurta Sudan, ayaa qaba cudurka AIDS-ka.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
