Sabti: September 11, 2021
Warbaahinta qaar iyo baraha bulshada ayaa si weyn looga hadal hayaa Neef ido ah gaar ahaan Wan lacag waali ah lagu kala iibsaday kadib markii la keenay Suuq Xaraash oo lagu iibiyo xayawaanka oo kuyaala dalka Kuwait.
Suuqa lagu iibiyo Xoolaha ee Al-Xalaal ee dalka Kuweyt ayaa waxaa lagu iibsaday Wankii ugu qiimaha sareeyey ee abid lagu iibiyo Hal Neef oo xoolo ah, wankan ayaana ahaa nooca loo yaqaano Daba dheere.
Wankan ayaa markii suuqa la keenay lagu naadiyay lacago kala duwan waxaana ugu dambeyn wankaasi lagu iibsaday lacag dhan 60,000 oo Lacagta Diinaarka dalka Kuweyt, una dhiganta ilaa 200,000 oo Dollarka Maraykanka ($ 200,000).
Waxaa iibsaday wankan lagu tilmaamay kii ugu qaalisanaa neef xoolo ah Qof aan magaciisa la sheegin , mana kala cadda sababta uu Qiimahaasi ugu iibsaday Hal Neef shaqsiga iibsaday oo magaciisa la qariyay.
Baraha bulshada dalka Kuwait ayaana si weyn looga hadal hayaa wankan lacagta waalida ah lagu kala iibsaday, waxaana dad badan isweediinayaan waxa uu wankan kaga duwan yahay .
Office Nairobi kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
