Talaado: September 21, 202
Wararka ka imaanaya saakay Garoonka Magaalada Muqdisho ayaa sheegaya in uu soo gaaray halkaas Agaasimihii hore ee NISA oo waday diyaarad qaas ah.
Wararka ayaa sheegaya in Diyaarad gaar ah oo ka timid dalka Turkiga uu la socday Fahad Yaasin, waxaana ka soo baxaya qaabka Garoonka loogu soo dhaweeyay Warar kala duwan.
Imaanshaha Fahad Yaasiin iyo xubnaha la socday ayaa ahaa mid qarsoodi ah oo aysan ka war qabin xubnaha xafiiska ra’iisul wasaaraha Soomaaliya sida ay wararku sheegayaan.
Sidoo kale Fahad Yaasiin ayaa dib looga celiyay garoonka diyaaraddaha Jabuuti 17-ka bishan xili uu kusoo jeeday Muqdisho, iyadoo diyaaraddii uu saarnaa ee Turkish Airline ay diiday inay u socdaasho Muqdisho, dibna ugu laabatay magaalada Turkiga oo ay kasoo kicintay.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________