Guddiga Doorashooyinka dowlad Goboleedka ee Maamulka Galmudug ayaa Maanta oo Khamiis ah shaaciyey 5-ta kursi ee ugu horeysa oo ay qabanayaan doorashadooda maalmaha soo socda.
Shanta kursi ee Golaha Shacabka ee doorashadooda dhawaan lagu qabanayo degaannada Dowlad Goboleedka Galmudug ayaa waxaa ay kala yihiin:
1: HOP# 043 oo uu ku fadhiyo Xuseen Qaasim Yuusuf ( Iidow) oo kasoo jeeda Murusade.
2: HOP#054 oo uu ku fadhiyo Xildhibaan Abdishakur Ali Mire oo ah Marreexaan
3: HOP#104 oo uu ku fadhiyo Xildhibaan Mahad Abdalla Awad oo kasoo jeeda =Dir Surre
4: HOP#067 oo uu ku fadhiyo Xildhibaan Cabdullaahi Cali Ahmed (Adow Ali Gees) oo ah Abgaal Waceysle.
5: HOP#026 oo ay ku fadhido Xildhibaan Ikraan Aadan ahna Duduble Absuge.
Guddiga doorashooyinka Heer Dowlad Goboleed ee Galmudug ayaa wada qaban qaabadii u dambeeysay ee doorashada, waxaana Shanta kursi la filayaa inay doorashadoodu dhacdo horaanta todobaadka soo socda.
Madaxweynaha Galmudug Axmed Cabdi Kaariye( Qoor) ayaa xalay goob fagaaro ah kaga dhawaaqay in Saddex Maalmood gudahood ay ku qabayaan doorashada 5-ta Kursi oo kamid ah Golaha Shacabka, waxaana soo dhaweeyay Ra’iisul Wasaare Maxamed Xuseen Rooble.
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
