Axad: December 5, 2021
Ciidamada xoogga dalka Soomaaliyeed gaar ahaan qeybta 27aad oo ay wehlinayaan kuwa Nabadsugida ayaa waxaa ay howlgallo amni xaqiijin ah ka sameeyeen degmada Buulo-burde & deegaannada hoostaga ee Gobolka Hiiraan ee dowlad Goboleedka Hir-Shabeelle.
Ciiidamada ayaa howlgalkooda waxaa ay ku baarayeen dhamaan Xaafadaha ay ka kooban tahay degmada Buulo-burde iyo tuulooyinka u dhow dhow, waxaana saraakiisha Ciidamada ay ujeedka ku sheegeen in maalmihii la soo dhaafay Xubno ka tirsan Ururka Al-Shabaab ay kusoo badanayeen degaannada u dhow degmada Buulo-Burde.
Kusimaha taliyaha qeybta 27aad Xasan Maxamed Garaad & taliyaha Ururka 41aad guutada 5aad ee qeybta 27aad Maxamed Muumin Cilmi ayaa waxaa ay sheegeen in ay ka go’an tahay xaqiijinta amniga degmada Buulo-burde iyo degaannada hoostaga.
Waxaa ay ka dalbadeen Shacabka kunool degmada Buulo-burde inay Ciidamada Ammaanka kala Shaqeeyaan sugida Amniga si looga hortago falalka Amni darro oo ay geystaan Al-Shabaab.
Degmada Buulo-burde ee Gobolka Hiiraan ayaa waxaa ay kamid tahay degmooyinka Gobolkaas oo ay mararka qaar weeraraan Al-Shabaab, waxaana ku sugan Ciidamada dowladda iyo kuwa Jabuuti ee kamid ah howlgalka Midowga Afrika ee AMISOM.
Office Nairobi kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
