Isniin: February 28, 2022
Sida laga soo xigtay war ka soo baxay madaxtooyada Faransiiska, madaxweyne Emmanuel Macron, ayaa maanta qadka taleefan kula hadlay Vladimir Putin, kadib wicitaano caalami ah oo loogu baaqayay Moscow in ay soo af-jarto dagaalka Ukraine, laguna cadaadinayay xabad joojin degdeg ah.
Warka ayaa lagu sheegay in Macron uu waydiistay madaxweynaha Ruushka in uu joojiyo duqaymaha iyo weerarada ka dhanka ah shacabka iyo meelaha deegaanada ah. Sidoo kale uu ilaaliyo kaabayaasha bulshada, uuna amaan galiyo wadooyinka waawayn.
Putin ayaa xaqiijiyay in uu dhaqan galin doono codsiyadaas, ayaa lagu sheegay warka ka soo baxay Faransiiska.
Dhanka kale aqalka Kremlin ka oo war ka soo saaray wicitaanada taleefanka ayaa sheegay in Putin uu u sheegay Macron “ heshiis wuxuu suuragal yahay, hadii danaha amaanka ee Ruushka xisaabta lagu darayo – taas oo ay ka mid tahay in Crimea loo aqoonsado dhul madaxbanaan oo Ruushka ka tirsan, iyo xal u helista in Ukraine laga dhigo goob ciidan ka caagan, si loo hubiyo in ay tahay meel xaalkeedu caadi yahay.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
