Gudoomiyaha Degmada Gaalkacyo ee Puntland Eng Maxamud Cabdinuur Aaden , iyo dhigiiisa Galmudug Cabdiraxman Shiikh xasan , Odayaasha Guddiga Nabadda, iyo Labo-Beelood oo dhawaan nin iskaga dhintay ayaa si rasmi ah uga heshiiyay .
Dilka AHUN Marxuum Duraan Maxamud Cabdulle oo si shil ah u dhacay ayaa arintiisu muddo dheer ay soo jiitamaysay , waxaana si rasmi ah labada Maamul iyo Odayasha nabadda ay ugu guulaysteen in Labada-Beelood ee dilku ka dhex-dhacay ay si rasmi ah uga Heshiiyaan Dilka Marxuumka , waxaa Madasha lagu bixiyey
Qiimaha qorigii marxuumka lagu dilay oo dhan $ 1000 USD
Duugtii marxuumka $ 1000 USD
Xaal iyo sooryo $ 3000 USD
Rafisada magta marxuunka $ 3’300 USD
ISUGEYN GUUD $ 8’300 USD
Waxaa lagu balamay in magta inta hartay la bixiyo mudo sideed bilood ah hadii alle idmo.
Gudoomiyaha Degmada Gaalkacyo ee Puntland Eng Maxamud Cabdinur Aaden , ayaa labada-beelood uga mahad-celiyay sida garowshaha iyo Dulqaadka lahaa ee ay marwalba diyaarka ugu ahaayeen in ay nabad ku soo dhammaato arinta, si lamid ah Gudoomiyaha ayaa u Mahadceliyay Odayaasha Nabadda iyo Dhigiisa Galmudug oo door-shiif ah ka qaatay Nabadaynta labada Beelood..
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________