Axad: September 25, 2022
Dowladda Turkiga ayaa toos ugu biirtay duqeymaha dhanka cirka ah ee lagu beegsanayo dagaalyahanadda kooxda Al-Shabaab, sida uu shaaca ka qaaday wasiirka arrimaha gudaha xukuumada Soomaaliya, Mudane Axmed Macalin Fiqi.
Wasiirka ayaa sheegay in markii hore ay garab ka helayeen Mareykanka, balse haatan ay garab istaag ka heleen Turkiga oo ciidamo kala duwan u tababara dowladda Soomaaliya.
Fiqi ayaa shaaca ka qaaday in diyaaradaha dagaalka Turkiga ay hawada ka caawinayaan ciidamada Xoogga dalka ee howlgallada ka wada koonfurta iyo bartamaha dalka.
“Markii la arkay in Dadka Soomaaliyeed wax iska celin karaan waxaa garab istaag u muujiyay Dowlado, Mareykanka ayaa ugu horreeya in uu cirka (Duqeyn) ku beegsanaya Cadawga marka uu meel isugu tago, Turkiga ayaa kusoo biiray oo Hawada ka caawinaya & Dowlado kale oo sirdoonka caawinaad ka geysanaya” ayuu yiri wasiir Axmed Macalin Fiqi.
Sidoo kale wuxuu intaasi ku daray inay jiraa kooxo gaar ah oo ka soo horjeeday hormarada laga gaaray howlgallada socda, isla-markaana xagal daacinayaa qorshaha socdo,.
Wasiir Axmed Macalin Fiqi ayaa shaaca ka qaaday in aysan arrintaasi niyad jebin doonin ayna wadi doonaan dhaq-dhaqaaqyada iyo gulufka ka dhanka ah kooxda Al-Shabaab.
“Kooxo saddex ah ayaa shakigaas qaba, Kooxda 1aad Waa Argagixisada nafteeda ayaa waxaas wada, Kooxda 2aad ee wax buunbuunisa ee shakiga qabta waa kuwo ku fashilnay nidaamkii hore oo Shabaab ogolaatay in Dekedda Canshuur ka qaataan oo dhagaxaanta dhufeesyada la rabay baadiyaha in ay ku sameystaan ku sameeyay Wadada Maka Al-Mukarrama, Kooxdaas & CBB-deeda dacaayad way wadaan, Kooxda 3aad waa Koox Deegaankoodu nabad ah oo dhulal nabad ah ka yimid oo rabta in ay gafane Dadka ku dhex nool oo quuta dadkaan oo dhiiggooda jiqa raba weeye” ayuu yiri wasiirka arrimaha gudaha.
Hadalkaan ayaa ku soo aadayo, ayadoo haatan howlgallo culus ay ka socdaan deegaanada HirShabelle, Galmudug iyo Koonfur Galbeedm kuwaas oo khasaare lgu gaarsiiyey Shabaab.
Office Nairobi kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
