Muqdisho, November 07, 2015 – Waxgarad ka soo jeeda gobolada Galbeedka Soomaaliya, ayaa xaqeejiyay in ciidamada ismaamulka Soomaalida Ethiopia ee New Boolis inay laayeen dad reer guuraa ah.
Nabadoon ka mid ah waxgaradka deegaanka ayaa sheegay in maalintii shalay ahayd ay ciidamada ismaamulka Soomaalida Itoobiya dileen dad shacab ah oo reer xoolo dhaqato ah, kuwaasi oo ku sugnaa deegaan ku dhaw xadka ay wadaagaan Labada dal, gaar ahaan dhanka gobolka Galgaduud.
Ninkaan odaga ah ayaa sheegay in ciidamadaan ay dileen 23 ruux oo isugu jira Haween, caruur iyadii dadkaasi maanta aasayo. Dadka la dilay ayuu sheegay in loogu tagay halkii ay deganaayeen iyaga oo jiifa, deegaankaasi oo lagu magacaabo Laga-hidda.
Nabadoonka ayaa ugu baaqay dowadda Federaalka Soomaaliya in ay soo fara geliso arrintaan, islamarkaana ay la xisaabtanto dowladda Itoobiya, maadaama ciidamadaasi ay iyaga hoostagaan.
.
———————————————–
Ali Omar Ghedi | Qaranimo Online | Muqdisho
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________