Muqdisho | QOL | June 22, 2017—Qarax khasaare geystay ayaa goor dhow ka dhacay afaafka hore ee saldhiga degmada Waaberi ee gobolka Banaadir, sida ay sheegeen dad goobjoogayaal ah.
Qaraxan oo ahaa mid loo adeegsaday Gaari walxaha Qarxa laga soo buuxiyay ayaa lagu dhuftay iridka hore ee saldhiga degmada Waaberi.
Qaraxan ayaa si weyn looga maqlay qaar ka tirsan degmooyinka gobolka Banaadir, ilaa iyo hadana lama oga khasaaraha rasmiga ah ee ka dhashay Qaraxaasi.
Dad goobjoogayaal ah ayaa Qaranimo.com u sheegay Qaraxan in uu saameyn ku yeeshay dhismaha saldhiga iyo sidoo kale guryaha halkaasi ka akdhow.
Tilmaan ahaan saldhiga degmada Waaberi ayaa waxa uu ku yaallaa Isgoyska Dabka, gaar ahaan wadada aada dhanka KM4.
Masuuliyiinta Adeegga Gaadiidka deg dega ah ayaa inoo sheegay in halkaasi ay u direen qaar ka tirsan shaqaalahooda, si ay u soo qaadaan dadka ku waxyeeloobay Qaraxaasi.
Wadadan Qaraxa uu ka dhacay ayaa ah mid aad u mashquul badan, maadaama wadadan ay isticmaalaan Gaadiid fara badan, sidoo kalena ay leedahay goobo badan oo Ciidamada ay Gaadiidka ku baaraan.
W/Q:- BASHIIR BARRE ALI
Xafiiska Wararka Qaranimo Online | Muqdisho
_____________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
