Dalalka IGAD oo shir xasaasi ah kaga soconayo dalka Suudaan

____________________________________________________________________________

Muqdisho | QOL | September 14, 2017 – Urur-goboleedka (IGAD) ayaa bilaabay shir wadatashi ah oo lagu ansaxinayo Heshiiska Dhaq dhaqaaqa Xorta ah ee Xoriyaadka Dadka ee gobolka, kaasi oo Arbacadii shalay ka furmay magaalada Jubba ee dalka Suudaan.

Kulankan wadatashiga ah ayaa waxaa ka qeyb galaya masuuliyiin ka socota dalalka Itoobiya, Djibouti, Kenya, Sudan, Uganda, Koonfurta Suudaan, Eritrea iyo Soomaaliya, oo dhammaantood ka mid ah IGAD.

Tababarka wadatashiga wuxuu ujeedkiisu yahay uruurinta macluumaadka ku saabsan caqabadaha iyo faa’iidooyinka ay u leeyihiin dhaq dhaqaaqa xorta ah ee dadka ku nool gobolka IGAD, iyo in la xoojiyo qorshaha qaran ee horumarinta khariidada wadada ee gor gortanka iyo soo afjarida nidaamka xoriyadda xorta ah.

Wasiir ku xigeenka Arrimaha Gudaha dalka Suudaan, Riaw Gatlier Gai ayaa sheegay in Koonfurta Suudaan ay fiirin doonaan dukumiintiga ayna ka goosan doonaan si ay dhammaan caqabadaha hortaagan dalalka IGAD ee ku saabsan dhaqdhaqaaqa xorta ah ee dadka lagu xalin karo.

Waxa uu sheegay in ay jiraan caqabado badan oo ay wajahayaan Koonfurta Suudaan oo ku saabsan dhaq dhaqaaqa xorta ah ee dadka iyada oo inta badan koonfurta Suudaan aanay waxna qorin.

Dhanka kale Xoghayaha Guud ee IGAD Danjire Mahboub Maalim ayaa sheegay in kulanka wadatashiga loogu tala galay in lagu helo aragtida xubnaha ka tirsan IGAD ee ku saabsan dhaq dhaqaaqa xorta ah ee dadkeeda.

Wuxuu sheegay in faa’iidooyinka dhaq dhaqaaqa xorta ah ay si cad u muujiyeen Midowga Yurub, wuxuuna aaminsan yahay in IGAD ay fursad u leedahay inay si xor ah u dhaq dhaqaaqaan ayna hantidana u lahaato dowlad goboleed IGAD.

Xafiiska Wararka Qaranimo Online | Muqdisho

______________________________________________

_____________________________________________________________________________________