Ra’iisul Wasaaraha Soomaaliya Xasan Cali Kheyre ayaa xalay soo xiray shirkii ganacsiga ee ganacsatada Soomaaliya iyo Turkiga uga socday Magaalada Istanbul ee Dalka Turkiga.
Ra’iisul Wasaaraha oo maalmihii la soo dhaafay ku sugnaa magaalada Brussels ee dalka Belgium oo uu uga qeyb galay shir looga hadlayay arrimaha ciidamada ayaa shalay gaaray dalka Turkiga.
Shirkaan uu soo xiray Ra’iisul wasaare Kheyre oo labadii maalmood ee lasoo dhaafay socday magaalada Istanbul, waxaana ujeedada laga lahaa shirka uu ahaa in lagu dhiiri geliyo ganacsatada Turkiga in ay maalgashadaan dalka Soomaaliya, arintaas oo intii shirku socday aad loo falanqeeyay.
Shirkan oo daba socday shirkii hore uga dhacay Magaalada Ankara ee isla dalka Turkiga ayaa ganacsatada Soomaaliya uga qeyb gashay waxaa hogaaminayay wasiirka ganacsiga iyo warshadaha, Mudane Maxamed Xayir Maareeye, ganacsatada Turkiga iyana waxaa hormuud u ahaa Mr. Deik oo Dalka Turkiga u qaabilsan hay’adaha xiriirka dhaqaalaha dibadda.
Dhinaca kale Ra’iisul Wasaaraha Soomaaliya ayaa saacadaha soo socda la filayaa inuu dib ugu soo laabto magaalada Muqdisho.
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
