Muqdisho | QOL | October13—2019 —Maamulka puntland ayaa sheegay in saakay waaberigii hore ay kusoo biireen Ciidamo ka tirsanaa Soomaaliland,kuwaas oo ka howlgeli jiray deegaano ka tirsan gobolka Sanaag.
Warbaahinta Maamulka puntland ayaa soo bandhigtay sawirada Ciidamo ay sheegeen inay ahaayeen guutadii 93-aad ee ciidanka Somaliland kuna soo biireen dhinaca Puntland.
Ciidamadaan ayaa sida la sheegay waxaa ay ka howlgelayeen deegaanka Ceelbuh ee gobolka Sanaag,isla markaana uu hoggaamineyey Gaashaanle Mustafe Siciid Toor oo taliye u ahaa ciidanka Somaliland ee degaankaasi ku sugan.
Sidoo kale Ciidamadaan kasoo goostay Soomaaliland ee ku biiray Puntland ayaa waxaa soo dhaweeyey maamulka gobolka Sanaag iyo kan degmada Badhan,kuwaas oo horay Puntland ugu soo biiray.
Soomaaliland weli kama hadlin Warkaan kasoo baxay Puntland iyo ciidamadan ay soo bandhigeen oo ay sheegeen inay ka tirsanaayeen Soomaaliland balse ay kusoo biireen Puntland.
Xafiiska Wararka Qaranimo Online | Muqdisho
____________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
